سگمنڊ فرائيڊ اهو سگهارو نالو آهي جنهن سڄي دنيا ادب تي پنهنجا خاص اثر ڇڏيا. سنڌي ادب تي بہ ان وڏا اثر آهن. هن نہ رڳو انساني شعور جي مونجهارن ۾ دلچسپي ورتي پر انسان جي لاشعور مونجهارن ۽ انهن جي ڪارڻن ۽ علاج کي بہ دريافت ڪيو ۽ پنهنجو ”تحليل نفسي“ وارو خاص نظريو پيش ڪيو. جنهن ڪري هو نہ رڳو پنهنجي وقت جو متنازعہ شخص بنجي ويو پراڄ تائين بہ ان جي اها صورتحال آهي. ڳچ ماڻهو اهڙا آهن جيڪي ان جي نظرياتي سچائي ۽ امرتا جي ڳالھ ٿا ڪن ۽ ان تي ويساه ٿا آڻين. ليکڪ ان جي اثر ۾ اچڻ کان پاڻ ڇڏائي نہ ٿو سگھي. دنيا جا ڪيترائي ليکڪ آهن، جن جي تحريرن تي فرائيڊ جي نظريي جي گھري ڇاپ آهي. ڪيترا ماڻهو آهن جيڪي اڃان بہ فرائيڊ سان اختلاف ٿا رکن پر ان کي مليل مڃتا کان بہ ڪير انڪار نہ ٿو ڪري سگھي. فرائيڊ جهڙا گھٽ ماڻهو آهن، جن جو اثر فوري طور ادب تي ڇانئجي ٿو وڃي. ان ۾ اسان جي ٻولي جو ادب بہ شامل آهي ـ
ظفر ان جي شخصيت تي ڪتاب ترجمو ڪيو آهي. جيڪو سنڌي ساهت گھر
طرفان اوهان جي آڏو آهي.
ناز سنائي (حيدرآباد، سنڌ)
03 مارچ 2008
